Vai acabando o ano, con el o primeiro trimestre e se achegan as festas de Nadal... no cole temos previstas varias actividades para festexalo, pero tivemos unha visita sorpresa deste Apalpador tan especial que nos agasallou Livraría Suevia, sempre tan atenta. Ademais, nos trouxo esta recomendación, anímovos a lelo:
Que desfrutedes das festas de Nadal, descansade e que teñades boa entrada no Aninovo!
Charibicos!
E hoxe pasamos por aquí para amosar os resultados e... toca presumir: as nosas alumnas, Lucía P. e Lucía T. quedaron campionas na súa modalidade, acadando a medalla de ouro!!
Os nosos parabéns polo seu traballo, aos seus profes pola dedicación e ao resto o equipo de FP polos ánimos e apoio, o cole enteiro está orgullosísimo de vós.
Seguro que é unha experiencia que non esqueceredes, e o primeiro de moitos éxitos.
Aquí tedes as súas caras de satisfacción:
Tiñamos unha sorpresa agochada:
<<A finais do curso pasado incribímonos no Galiciaskills>>
Se trata dun campionato eminentemente práctico, que consiste no desenvolvemento de competicións relacionadas coas especialidades de formación profesional.
Este mércores, no recinto Feira Internacional Abanca de Silleda, dúas das nosas alumnas representarán ao cole no campionato, desenvolvendo as súas habilidades na especialidade Peiteado.
Levan tempo practicando e non dubidamos dos bos resultados porque están a poñer todo seu empeño, coñecementos e, sobre todo, ilusión.
Desexámosvos boa sorte!! Só os vosos profes e compañeiros de nivel vos acompañan fisicamente pero dende o cole estaremos con vós.
Máis información: https://www.edu.xunta.gal/fp/galiciaskills-2023
...o fresquiño, as follas caídas das árbores, os ourizos das castañas, lembrarnos do paraugas...
E todo esto nos leva a celebrar o Magosto e o Samaín!!
Polo que ao noso expositor destas datas sumamos as novas adquisicións:
Temos que adiar un anaquiño o obradoiro, para evitar andar ás presas, así que aproveitamos para lembrarvos que o vindeiro luns 19 de xuño ás 16.30h temos preparado un obradoiro sobre CONTOS E CAA.
Esperámosvos!!
Non queremos rematar o curso sen invitarvos unha vez máis a vós, as familias, a que veñades ao cole o último luns lectivo a un obradoiro moi interesante sobre contos e Comunicación Aumentativa e Alternativa (CAA).
O obradoiro está enmarcado no programa Lecturas e Familias e será impartido por Alba Pérez, mestra e especialista en CAA, que nos dará consellos para a lectura de contos, favorecendo a participación da nosa rapazada, sexan ou non usuarios de CAA.
Nunha segunda parte da tarde, veremos a parte práctica do obradoiro: un contacontos.
Veña, animádevos a vir e traede ás vosas crianzas!
