Recomendacións de lecturas sobre o MAR:

 Xa vos amosamos por aquí os libros sobre ecoloxía, medioambiente, coidado do planeta... que adquirimos para poñer en marcha o noso PDI.

Hoxe déixovos unhas recomendacións sobre o auga, mar, océano… Bibliografía que nos axudará a aprender máis sobre o elemento da natureza que nos ocupa este primeiro trimestre.

Para os máis peques do cole temos uns libros de información, moi vistosos e atractivos cos que facer un primeiro achegamento aos coñecementos sobre os océanos:

Para os máis maiores...

...e para os expertos lectores do cole:

Ademais, temos moitos contiños relacionados co mar, con protagonistas mariños, cheos de aventuras, aprendizaxes e valores que podemos traballar como son:

Presentación de ALGAMAN

Unha vez feitas as votacións, nomeamos deseño gañador o do Grupo 7 do cole: con vós, ALGAMAN. 

Estará presente connosco este trimestre:

Socias da biblioteca

Hoxe paso por aquí para informarvos de que o noso cole é socio da biblioteca da Xunta: González Garcés. Que sorte ter unha biblio pública tan completa preto do cole!, coa posibilidade de achegarnos en calqueira momento e desfrutar do tempo de lecer entre libros e ademais coa oportunidade de levar prestados libros para ler no cole. Que bo recurso!!

Anímovos a visitar as biblios da vosa contorna, a facervos socios e socias porque soen ofertar numerosas actividades das que poden gozar os vosos fillos e fillas (contacontos, teatros, obradoiros, etc).

DÍA DA BIBLIOTECA

Hoxe tivemos a gran sorte de ter connosco a Charo Pita, xa viñera o curso pasado a facer un obradoiro polo programa de Lecturas e Familias, gustounos tanto que volvimos convidala para celebrar o día de hoxe.

Fixo dous pases de contacontos tirando da súa experiencia como contadora de historias, adaptándose aos intereses e gustos do noso alumnado, ao seu ritmo e incluso aprendeu o nome de cada un deles! Esta muller tennos fascinada. 

Sen dúbida non será a última vez que nos visite este curso, temos moito que aprender dela.

Moitísimas grazas, Charo, pola túa dedicación, a tua empatía e por... asinarnos o teu libro!!

Vémonos pronto!

  

E unha vez máis este peque levantouse para dicirlle á nosa convidada 

canto lle gustara a súa actuación!! Emociónanos!!

Grazas pola dedicatoria.

SAMAíN

E así, expostos, preséntovos a nova adquisición para a biblio, tiña ganas de renovar os libros do SAMAÍN, que serán usados nos vindeiros días.

Espero que lles gusten. 

Plans improvisados

Pois si, improvisadamente hoxe xurdiu a oportunidade de escoitar a unha futura promesa da música clásica: 

Santiago Rey García. 

Estuda no conservatorio e toca o violenchelo. 

Tocounos varias pezas de Bach así como a obra doutros compositores que nos deixou ensimismados e atrapadas porque "onde as palabras fallan, a música fala" e este foi o exemplo hoxe no noso cole. E para mostra, un botón: aquí temos un dos peques expresando o que lle gustou a través do comunicador! so por este xesto, pagou a pena!

A música enriquece e estimula e o noso alumnado estivo atento e concentrado, observando ao profesional, apreciando a súa música con respecto e aplaudindo con ansia cada peza.

Ao remate do pase deste talentoso chelista, e como no cole hai mestras e mestres con destrezas e boas habilidades, que tanto montan mobles, como fan nós mariñeiros, controlan de circuitos eléctricos ou tocan un instrumento... pois como de música iba o tema, o mestre Gabriel deleitounos coa súa guitarra tocando temas de pop español que acompañamos os demais con cancións, bailes e palmas.

Así que hoxe tivemos unha sesión de música do máis entretida...

E si todo saiu así de ben sin telo organizado, que nos esperará o luns na biblioteca polo seu día?? Pasade por aquí que volo contarei.

Charibicos!

ALGAMAN!

Estas son algunhas das propostas de como é o superheroe que nos vai axudar a coidar o mar.

Que alumnado tan creativo!

ALGAMAN

 

Comezamos co proxecto!

Boas familias e demais comunidade educativa!

Esta semana visitei ao alumnado para amosarlles o video de presentación do proxecto. Aproveitei para pedirlles axuda pois precisaba atopar todas as pezas dun puzzle cos elementos da natureza.

Conseguímolo! Non tiña dúbida de que contaba cos mellores. 

A través dunhas probiñas:

 

Conseguimos completar o puzzle!!!

 

Os meus parabens aos mellores axuadantes para coidar o planeta.  Pero esto non queda aquí: estade atentos e atentas a este video.

Saen as primeiras mochilas do curso 22/23!

 Listas!! Así de contentos quedaron Leo e Lía trala preparación das mochilas:

Agora as mochilas agardan a seren recollidas polo alumnado voluntario que será quen as reparta polas aulas porque o certo é que os peques axudantes están moooi cansos...

Meus pobres, así quedaron Lía e Leo despois de seleccionar o material para as mochilas, tomar nota, forrar libros, preparar os caderniños, etc.

Lembrade que hai que devolver as mochilas o xoves, para telas a punto para o venres e que outro alumnado as leve. 

Graciñas

Mochilas viaxeiras

 A quen temos por aquí?? Pillámolos en plena faena!

Todo é máis doado con axuda, e hoxe pasaron pola Xanela dos Soños os meus axudantes, Leo e Lía, colaboraron montando as mochilas viaxeiras que sairán esta semana cara a algunhas das vosas casas.

En cada mochila vai unha película e un xogo para desfrutar en familia, e, por suposto, un libro! 

Agardamos que vos guste e non dubidedes en deixar os vosos comentarios no caderniño que vai dentro da mochila, xunto coas normas, todas as suxerencias serán ben recibidas e tidas en conta para mellorar.

Charibot