Plans improvisados

Pois si, improvisadamente hoxe xurdiu a oportunidade de escoitar a unha futura promesa da música clásica: 

Santiago Rey García. 

Estuda no conservatorio e toca o violenchelo. 

Tocounos varias pezas de Bach así como a obra doutros compositores que nos deixou ensimismados e atrapadas porque "onde as palabras fallan, a música fala" e este foi o exemplo hoxe no noso cole. E para mostra, un botón: aquí temos un dos peques expresando o que lle gustou a través do comunicador! so por este xesto, pagou a pena!

A música enriquece e estimula e o noso alumnado estivo atento e concentrado, observando ao profesional, apreciando a súa música con respecto e aplaudindo con ansia cada peza.

Ao remate do pase deste talentoso chelista, e como no cole hai mestras e mestres con destrezas e boas habilidades, que tanto montan mobles, como fan nós mariñeiros, controlan de circuitos eléctricos ou tocan un instrumento... pois como de música iba o tema, o mestre Gabriel deleitounos coa súa guitarra tocando temas de pop español que acompañamos os demais con cancións, bailes e palmas.

Así que hoxe tivemos unha sesión de música do máis entretida...

E si todo saiu así de ben sin telo organizado, que nos esperará o luns na biblioteca polo seu día?? Pasade por aquí que volo contarei.

Charibicos!

Concurso: Galicia, auga, literatura e rap

Boas!

Vos acordades que aló por febreiro, dúas aulas do cole quedaran finalistas no Concurso Galicia auga, literatura e rap? Tiñan que presentar outra canción en abril, pero debido á situación, quedou  o evento aplazado a outubro e...... vimos de saber que a clase de NOELA GAÑOU!!!! Palabras textuais da organización: sodes gañadores e ben merecido que o tedes.

NORABOA!!!! Ainara, Ana, Duarte, Lucía e Santi; e a mestra que tan ben vos guiou. Aquí vos deixo o rap co que triunfaron.

RAP

E nesta semana da INCLUSIÖN xa vimos que temos varios protagonistas na música; seguindo coa cultura, vos adxuntamos uns cortos para que desfrutedes deles en familia nesta finde tan longa.

E... como temos o cole cheo de xente talentosa, non vos perdades ao noso DJ FRAN HACHECALADA! Se tedes algún tipo de evento e queredes que volo amenice con boa música, non o dubidedes, contactade con el, nós temos o privilexio de telo no colexio e desfrutar do seu talento.

Clicade aquí para ver a súa entrevista:  Facemos Festigual: Asociación Cultural Negus

Bravo por Fran!!!!