Foi unha semana chea de traballo, non o imos negar, pero hoxe podemos amosarvos os primeiros resultados dos que estamos tremendamente orgullosas (e os que iredes vendo nos vindeiros días...).
Velaquí tedes algunhas das máscaras máis representativas do Entroido Galego.
Sabedoras dos beneficios da lectura no desenvolvemento global das crianzas e aproveitando a oportunidade de participar no programa de “Lecturas e familias” convocado polas Bibliotecas Escolares, o noso colexio presentou un proxecto e foi seleccionado, sendo o único centro de educación especial de Galicia que participará no programa.
A biblioteca escolar ten como principal misión a de exercer de mediadora da lectura no centro, proporcionando recursos, servizos e oportunidades para o desenvolvemento de competencia lectora e deseñando experiencias de lectura variadas e plurais, acordes ás formas de comunicación actuais e ás necesidades de alumnado, familias e profesorado.
Por este motivo, agradeceríamos a súa participación, anónima, nunha pequena enquisa que nos daría información sobre o papel que xoga a lectura na súa casa así como coñecer os seus gustos e intereses.
Tedes ata o día 14 de febreiro para cubrila.
Premede AQUÍ
Graciñas!
